अन्तराष्ट्रिय

कतार विवाद चर्किए युद्ध हुन सक्छः जर्मन विदेशमन्त्री

हेलम्बु संबातदाता
news-img

जेठ २८ एजेन्सी ।कतार तथा उसका अरब छिमेकीहरुसंगको विवाद चर्किएर युद्धसम्म हुन सक्ने जर्मनीका विदेशमन्त्री जिकमार गाब्रियलले चेतावनी दिएका छन् । एक जर्मन अखबारलाई अन्तर्वार्ता दिंदै उनले हालको विवादमाझ दुई पक्षबीचको सम्बन्धमा अस्वाभाविक रुपमा कडा रुखोपना आएको बताएका हुन ।

गाब्रियलले यो साता विवादका सबै पक्षसंग कुराकानी गरेका छन् । साउदी अरेबिया, संयुक्त अरब इमिरेट्स, बहराईन तथा इजिप्टले कतारसंग सम्बन्ध विच्छेद गर्नुका साथै स्थल, सामुद्रिक तथा हवाई मार्गमा नाकाबन्दी लगाएका छन् ।

अमेरिकी विदेश मन्त्री रेक्स टिलरसनले नाकाबन्दी हटाउन गरेको आग्रहलाई उनीहरुले बेवास्ता गरेका छन् । तर उनीहरुले अमेरिकी राष्ट्रपति डोनाल्ड ट्रम्पले कतारविरुद्ध उनीहरुको कदमको समर्थनमा कडा टिप्पणी गरेकोमा भने स्वागत गरेका छन् ।

राष्ट्रपति ट्रम्पले कतारले आतंकवादलाई आर्थिक सहयोग गरेको भन्ने साउदी अरेवियाको दावीलाई समर्थन गरेका छन् । कतारले भने आरोपको खण्डन गर्दै आएको छ ।

प्रतिकृया दिनुहोस

© Copy Right Helambu F.M. 89.6 MHz All right reserved.